Shet elderdegi konsýldyq esepte 11 myńnan astam Qazaqstan azamaty tirkelgen
«QR Syrtqy ister mınıstrligi Ortalyq saılaý komıssııasymen birlesip, sheteldegi QR azamattarynyń konstıtýtsııalyq saılaý quqyqtaryn qamtamasyz etý úshin tıisti sharalar qabyldady. QR dıplomatııalyq ókildikteri janynan dúnıejúziniń 53 memleketinde 66 saılaý ýchaskesi quryldy. Álemniń ártúrli elderi COVID-19 pandemııasyna baılanysty shekarany jabý, kólik qatynasyn toqtatý, komendanttyq saǵat, lokdaýn jáne karantın sııaqty shekteý sharalaryn engizýine qaramastan atalǵan barlyq saılaý ýchaskelerine bıýlleten jáne basqa da saılaý atrıbýttary ýaqytyly jetkizildi», - dedi ol.
Onyń atap ótýinshe, saılaýshylar tizimderi saılaý ýchaskesiniń aýmaǵynda turaqty turatyn nemese uzaq merzim bolatyn Qazaqstan Respýblıkasy azamattaryn konsýldyq esepke alý derekteriniń negizinde daıyndaldy.
QR shetelderdegi mekemelerinde konsýldyq esepte 11 myńnan astam azamat tirkelgen.
«Bul rette atalǵan azamattardyń bir bóligi birqatar el tarapynan sheteldikterdiń, onyń ishinde oqýlaryn qashyqtan oqyp júrgen stýdentterdiń kirýin shekteýge baılanysty qazirgi kezde Qazaqstanda ekenin aıta ketken jón. Munan basqa saılaýshylardyń daýys berýine keıbir memlekette oryn alǵan tabıǵı apattar men el ishinde júrip-turýǵa engizilgen shekteýler de qıyndyq týǵyzýda. Konsýldyq esepke turǵan azamattardyń basym bóligi Reseı, Túrkııa, Qytaı, Chehııa, Ulybrıtanııa, Ózbekstan, BAÁ jáne Qyrǵyzstanda shoǵyrlanǵan. Horvatııa, Brazılııa , Slovakııa, Taıland, Indonezııa, Túrikmenstan, Úndistan, Izraıl, Pákistan jáne Omandaǵy saılaý ýchaskelerinde azamattar az tirkelgen»,- dedi Shahrat Nuryshev.
