Shet elderde 7 500 qazaqstandyq qalyp qoıdy - SІM

NUR-SULTAN. QazAqparat – Shet memleketterge týrıstik saparmen barǵan 7 500 Qazaqstan azamaty elge orala almaı otyr. Bul týraly Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev málim etti, dep habarlaıdy QazAqparat tilshisi.

«QR Syrtqy ister mınıstrligi tótenshe jaǵdaı ýaqytynda jumysyn táýlik boıy istep jatyr. Ortalyq apparatta kúndelikti kezekshilik ornatyldy. Qazaqstannyń barlyq shet memleketterdegi Elshilikterinde, bas konsýldyqtarynda azamattarymyzǵa kómek kórsetý maqsatynda arnaýly telefon jelileri qosyldy», - dedi QR Syrtqy ister mınıstrliginde uıymdastyrylǵan brıfıng barysynda Shahrat Nuryshev.

Onyń dereginshe, shet memleketterden 7 500 Qazaqstan azamaty elge orala almaı otyr.

«Qazirgi ýaqytta shet memleketterdegi áýejaılar jumysynyń toqtatylýyna baılanysty qalyp qoıǵan azamattardyń muń-muqtajdaryn tyńdap, olarǵa barynsha kómek kórsetý baǵytynda jumys istep jatyrmyz. Ásirese, ushaqtardyń toqtaýyna baılanysty olardy qonaq úılerge ornalastyrý, Qazaqstanǵa qaıta oralýyna kómektesý máselelerine basa nazar aýdaryp otyrmyz», - dedi ol.