Shet eldegi qazaqtar kún saıyn júzdegen vızaǵa tapsyrys beredi - QR SІM

ASTANA. QazAqparat - Úkimettiń búgingi otyrysynda QR Syrtqy ister mınıstriniń birinshi orynbasary Muxtar Tileýberdi sheteldegi etnıkalyq qazaqstardyń vıza alýy boıynsha esep berdi, dep xabarlaıdy QazAqparat tilshisi.

«Statıstıkaǵa sáıkes, 2016 jyly shet eldegi etnıkalyq qazaqtarǵa 81 756, al aǵymdaǵy jyldyń 1 qańtar men 15 qyrkúıek aralyǵynda 56 440 vıza berildi. Qazaqstan Respýblıkasynyń shet eldegi mekemelerine qazaqstandyq vızalardy rásimdeý úshin kún saıyn 300-den astam etnıkalyq qazaqtar ótinish bildiredi», - deıdi .

Onyń aıtýynsha, bıyldan bastap qandastarymyz úshin birinshi ret ótinish berilse, bir jylǵa deıin, ekinshi ret úsh jylǵa deıin tegin vızalar berile bastady.

Aıta keteıik, Úkimettiń búgingi otyrysynda Tamara Qasymqyzy kóshi-qon saıasatynyń 2017-2020 jyldarǵa arnalǵan tujyrymdamanyń jobasyn tanystyrdy. Atalǵan qujatta shet eldegi etnıkalyq qazaqtarmen, olardyń ishinde daryndy ári isker azamattarmen tyǵyz baılanys ornatýǵa da negizgi basymdyq berilgen. Joǵary bilikti mamandardy jeńildetilgen tártippen jumysqa alý jaıy da qarastyrylyp qoıǵan. Mınıstrdiń sózine qaraǵanda, kóshi-qon saıasatyna qatysty zańnama ózgergeli beri sheteldegi qandastarymyzdyń elge oralý kórsetkishi ósti.