Shet elde júrgen Qazaqstan azamattarynyń 11 myńǵa jýyǵy daýys berdi - QR SІM
ASTANA. QazAqparat - Shet elde júrgen Qazaqstan azamattarynyń 11 myńǵa jýyǵy daýys berdi. Bul týraly búgin QR Ortalyq saılaý komıssııasynda ótken brıfıngte QR Syrtqy ister mınıstrligi Ákimshilik jáne baqylaý departamentiniń dırektory Qaırat Sarjanov málim etti.
«Elimizdiń barsha halqy sııaqty Qazaqstannyń shet elderde júrgen azamattary da Prezıdent saılaýyna belsendi qatysýda. Shet elderdegi mekemelerimizdiń janynan qurylǵan 65 ýchaskelik saılaý komıssııalarynyń málimetine sáıkes, saılaýshylardyń sany 20822 adamdy quraıdy. Saǵat 17.00-degi jaǵdaıǵa sáıkes, 10861 otandasymyz daýys berdi», - dedi ol.
Q.Sarjanovtyń atap ótýinshe, bul shet elderdegi saılaýshylardyń 52 paıyzyn quraıdy.
