Shet elde jumys isteýge nıetti jastardy daıyndaıtyn ortalyqtar ashylmaq
ASTANA. KAZINFORM – Shet elderde jumys isteýge nıetti jastardy daıyndaıtyn ortalyqtar ashylmaq. Bul týraly Úkimet otyrysynda Eńbek jáne halyqty áleý mettik qorǵaý mınıstri Svetlana Jaqypova aıtty.
«Jastardy jumyspen qamtý baǵytynda da jasalyp jatqan sharalardy atap ótsek. Bul rette, stýdentterdi óndiristik tájirıbeden ótkizý úshin Elektrondy eńbek bırjasynda tıisti market-pleıs ázirlenip, qazirgi tańda tıimdi júzege asyrý úshin qajetti jumystar jasalyp jatyr», — dedi mınıstr.
Onyń atap ótýinshe, árbir azamatqa óz mansabynyń traektorııasyn basqarýǵa múmkindik berý úshin Mansap compasy júıesi ázirlendi.
«Shet elderde jumys isteýge nıettengen jastarǵa halyqaralyq kelisimsharttarǵa sáıkes Shyǵys Qazaqstan, Túrkistan jáne Almaty oblystarynda daıarlyq kýrstaryn uıymdastyrý ortalyqtaryn ashý kózdelip otyrǵandyǵyna nazar aýdaramyn», — dedi Svetlana Jaqypova.
