Shet elde lańkestik toptyń quramynda soǵysyp júrgen tulǵany qarjylandyrý áshkerelendi

ASTANA. 30 shilde. QazAqparat - Qarjy polıtsııasy agenttiginiń tóraǵasy Rashıd Túsipbekov búgin ótip jatqan vedomstvonyń alqa otyrysynda lańkestik pen dinı ekstremızmdi qarjylandyrýdyń kózderin anyqtaý men áshkereleý boıynsha qarjy polıtsııasynyń jumysyn erekshe atap ótti,

dep habarlady vedomstvonyń baspasóz qyzmetinen.

Alǵash ret qarjy polıtsııasy shet elde lańkestik qarýlanǵan toptyń quramynda soǵysyp júrgen tulǵany qarjylandyrýdy áshkereledi. Radıkaldyq dinı aǵymdardy qarjylandyrýǵa qatysy bar 16 kásiporynnyń jumysy toqtatyldy. Ekstremızm men lańkestiktiń jaqtastaryna qatysty 68 qylmystyq is qozǵaldy. Aqtóbe jáne Mańǵystaý oblystarynda esirtke zattarynyń zańsyz aınalymynan tabylǵan aqsha qarajattaryn zańdastyrý faktisi áshkerelendi (15 mln. teńgeden astam somaǵa 100 kg astam marıhýana, 1 kg astam geroın).

Vedomstvo basshysy Rashıd Túsipbekov osy baǵyttaǵy jumysty kúsheıtýge tapsyrma berdi