Shet el ınvestıtsııasyn tartý Qazaqstannyń ekonomıkalyq damýynyń basym baǵyttarynyń biri retinde qala beredi - Úkimet basshysy Kárim Másimov
LMATY.Maýsymnyń 4-i. QazAqparat /Erbol Azanbek/- Shet el ınvestıtsııasyn tartý Qazaqstannyń ekonomıkalyq damýynyń basym baǵyttarynyń biri retinde qala beredi. Búgin IV Qazaqstandyq ınvestıtsııalyq sammıt barysynda QR Premer-Mınıstri Kárim Másimov osylaı málimdedi.
«Men osy ýaqytqa deıingi Qazaqstannyń ınvestıtsııalyq saıasatynyń durys baǵytta bolǵandyǵyn atap aıtqym keledi. Alaıda, sońǵy 2-3 jylda daǵdarys álem ekonomıkasyna, sonymen qatar Qazaqstannyń ekonomıkasyna da ózgertýler engizdi. Sondyqtan biz Qazaqstandaǵy shet el ınvestıtsııasyn dıversıfıkatsııalaýdy kózdeımiz. Osy ýaqytqa deıin shet eldik ınvestıtsııanyń basym bóligi shıkizat óndirý salasyna salynyp keldi. Bul túsinikti de. Óıtkeni onda kepildi munaı, gaz sııaqty ónim bar. Biz aldaǵy ýaqytta basqa salalarǵa qarqyndy túrde ınvestıtsııa tartýdy kózdep otyrmyz», dedi Premer-Mınıstr.
Ol sondaı-aq óz sózinde álemde ınvestıtsııalyq qurylymnyń ózgeriske ushyraýda ekendigin atap ótti. «Osy ýaqytqa deıin «úlken jıyrmalyq» elderi negizgi ınvestorlar bolyp keldi. Biraq qazirgi jaǵdaıǵa qarasaq, «úlken jıyrmalyq» aldaǵy 2-3 jylda óz máselelerin sheshýmen aınalysatynyn kórsetedi. Qazirgi álemde G20-lyq elderi negizgi ınvestorlarǵa aınalyp keledi. Biraq qandaı ózgeriske qaramastan, Qazaqstannyń damý men ınvestıtsııalyq áleýetiniń aýqymdylyǵyna zor senim bildiremin», dedi Kárim Másimov.
