Shet aýdanynda órttiń negizgi oshaǵy oqshaýlandy
ASTANA. KAZINFORM – Qaraǵandy oblysynyń Shet aýdanyndaǵy Kenshoqy aýyldyq okrýginde shyqqan tabıǵı órtti joıý jumystary jalǵasyp jatyr.
Aldyn ala málimet boıynsha, qurǵaq shóp janǵan aýmaqtyń kólemi 81 gektar.
Oblystyq TJD habarlaǵandaı, qazirgi ýaqytta órttiń negizgi oshaǵy oqshaýlandy. Endigi mindet — jalyndy tolyq sóndirip, onyń qaıta taralýyna jol bermeý.
Oqıǵa ornynda qutqarýshylarmen qatar orman sharýashylyǵy men jergilikti atqarýshy organdardyń qyzmetkerleri jumys isteýde. Órtti sóndirýge barlyǵy 87 adam jáne 32 tehnıka jumyldyrylǵan.
Jaǵdaı turaqty baqylaýda.
Aıta ketelik Qaraǵandy oblysyndaǵy órt oshaqtary áýeden baqylanǵany týraly jazǵan edik.
