Sheshim qaıta qaralmaıdy: birinshi AES-ti Rosatom salady

ASTANA. KAZINFORM — Elimizdegi birinshi atom elektr stansasyna salatyn merdigerge qatysty sheshim ózgermeıdi. Bul týraly Atom energetıkasy jónindegi agenttikten málim etti.

— Konsortsıým kóshbasshy retinde «Rosatom» kompanııasynyń tańdalýy túrli deńgeıde júzege asyryldy: atom salasynyń sarapshylary, Qazaqstan Respýblıkasy Atom energetıkasy jónindegi agenttigi, Atom salasyng damytý máseleleri jónindegi vedmostvoaralyq komıssııa, baǵalaý ádistemesin táýelsiz halyqaralyq konsýltant — Assystem kompanııasy rastady. Oslaısha, qabyldanǵan sheshimdi qaıta qaraý kózdelmeıdi jáne birinshi AES úshin aǵymdaǵy protsess aıasynda túpkilikti sanalady, — dedi agenttikten BAQ ókilderiniń saýalyna oraı.

Buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik. 

Sonymen qatar Atom energetıkasy jónindegi agenttik tóraǵasy Almasadam Sátqalıev Qazaqstandaǵy taǵy bir AES-ti qytaılyq vender salatynyn málim etti.