Sheshenstanda J.Depardeniń qatysýymen kek alǵysh áke týraly fılm túsirilip jatyr
ASTANA. 20 mamyr. QazAqparat - Sheshenstanda basty róldi frantsýzdyq kınoakter Jerar Deparde somdaıtyn «Bırıýza» krımınaldy trılleri túsirile bastady.
Reseıdiń «Jańalyqtar» agenttiginiń habarlaýynsha, bul jaıynda respýblıkanyń mádenıet mınıstrligi ókili málim etken.
Fılmde Depardemen birge brıtandyq aktrısa Elızabet Herlı túsýde. Frantsýzdyq akter uly Reseıde óltirilgen ákeniń rólin somdaıdy. Bul elge ulynyń kegin alý úshin kelgen ol ejelgi orys qurbysy men sheshen dosyn kezdestiredi. Túsirilim jumystary Sheshenstan men Máskeýde júrgiziledi.
