Sheshenstanda áıelderge arnalǵan bıiktigi úsh metr dýalmen qorshalǵan jaǵajaı ashyldy
ASTANA. QazAqparat - Sheshenstandaǵy demalys bazalarynyń biriniń aýmaǵynda áıelder ǵana bara alatyn jaǵajaı ashyldy, dep habarlaıdy Bı-bı-sı.
Respýblıka úkimetiniń saıtynan habarlanyp otyrǵandaı, bul jaǵajaı áıelderge arnalǵan "Lagýna" demalys bazasynyń bir bóligi bolmaq jáne oǵan tek áıelder men 12 jasqa deıingi ul balalar óte alady.
«Bul dinı senim-nanymyna qaramastan áıelder men balalarǵa arnalǵan demalys orny. Bul áıelderdiń shekteýli aýmaqtaǵy patshalyǵy desek te bolady», - dep sýretteıdi demalys bazasyn onyń ákimshisi Petımat Aǵaeva.
Úkimette atap ótkendeı, jaǵajaıda erekshe qaýipsizdik sharalary saqtalǵan: ol bıiktigi úsh metrlik dýalmen qorshalǵan, budan basqa, jaǵajaıda TJM qutqarýshy áıelder beketi jumys isteıtin bolady.
«Lagýna» demalys bazasynda erlerge arnalǵan jaǵajaı áıelderge arnalǵan demalý ornynan bir shaqyrym jerde ornalasqan. Habarlanyp otyrǵandaı, bolashaqta bul baza «Groznyı teńizi» saýyqtyrý kesheniniń bir bóligine aınalady.
