Sheshenstanda aýa raıynyń qolaısyzdyǵynan 50 myńnan astam adam elektr jaryǵynsyz qaldy
ASTANA. 4 jeltoqsan QazAqparat - Sheshenstanda aýa raıynyń qolaısyzdyǵynan úsh aýdanda energııamen qamtý júıesine zaqym kelip, 52 myń adam jaryqsyz qaldy. Bul týraly respýblıka boıynsha TJM basqarmasynyń baspasóz qyzmetinen habarlady, dep jazady RBK.
Vedomstvonyń málimetterine júginsek, elektr energııasy búgin Shatoıskıı, Sharoıskıı jáne Itým-Kalınskıı aýdandarynyń aýmaǵynda 9:20 kezinde sóngen. Jalpy 77 eldi meken jaryqsyz qaldy.
Habarlamada kórsetilgendeı, osy aımaqta qalǵan 35 áleýmettik mańyzy bar nysandar qosymsha jaryq berý kózderine qosylǵan.
Oqıǵa ornynda «Nurenergo» AAQ apattyq brıgadalary, sonymen birge, Sheshenstan Respýblıkasy boıynsha TJM MM jedel toby jumys istep jatyr.
Osyǵan deıin habarlanǵandaı, keshe elektr energııasy Sheshenstannyń Nojaı-ıÝrtovskıı aýdanynda toqtatylǵan bolatyn. 53 eldi mekende shamamen 55 myń 277 adam jaryqsyz qaldy. Sheshenstannyń TJM elektr tasymaldaý jelileriniń qatardan shyqqanyn atap ótti.
