Sheshenstanda áskerı tikushaq apatqa ushyrady, 3 adam kóz jumdy
ASTANA. 16 naýryz. QazAqparat - Sheshenstanda Mı-8 tikushaǵy Hankala qalasynyń áýejaıyna qoný kezinde apatqa ushyrady.
Bul týraly RBK habarlady.
Tikushaq jermen soqtyǵysý saldarynan otqa orandy. Bortta bolǵan tórt adamnyń úsheýi qaza boldy, aman qalǵany aýrýhanaǵa jetkizildi. Tikushaq kúsh qurymdarynyń birine tıesili bolǵan.
Sondaı-aq qoný aýmaǵynda nashar meteojaǵdaılar týraly habarlanýda.
Qazirgi ýaqytta apat ornynda sarapshylar men tergeýshiler jumys isteýde. Ushaq qulaǵan aýmaq qorshaýǵa alyndy.
Esterińizge sala keteıik, ótken jyldyń qarasha aıynda Omby oblysynda jerge qoný kezinde Mı-8 tikushaǵy apatqa ushyraǵan bolatyn. Oqıǵanyń saldarynan toǵyz jolaýshy jáne ekıpajdyń bir múshesi túrli dárejede jaraqattar aldy.
