Sheshenstan astanasynda alapat daýyl boldy, adam shyǵyny bar
ASTANA. QazAqparat - Senbiden jeksenbige qaraǵan túni bolǵan daýyldan Groznyıdaǵy ondaǵan ǵımarat qırady.
Sheshenstan Respýblıkasynyń Tótenshe jaǵdaı mınıstrligi 1995 jyly týǵan qyzdyń qaza tapqanyn málimdedi, ol jeke baspana qabyrǵasy qulaǵanda, úıindiniń astyna qalǵan, dep jazady Bı-bı-sı.
Sonymen qatar, kirpish zaýytynyń kúzetshisi de zardap shekti, onyń tóbesine bastyrma qulaǵan, qazir aýrýhanada jatyr.
Máskeý ýaqytymen túngi 01:10-da alapat daýyl Groznyı qalasyndaǵy, Nadterechnoe eldi mekenindegi jáne Ýrýs-Martan aýdanyndaǵy 9 qoǵamdyq nysanǵa, bes kópqabatty úıge jáne 59 jeke úıge zalalyn tıgizgen. Nysandardyń kópshiliginiń shatyry ushyp ketken.
Atap aıtqanda, úsh mektep, Groznyı qalasyndaǵy Ortalyq perzenthana jáne soǵys ardagerlerine arnalǵan respýblıkalyq klınıkalyq aýrýhanaǵa zaqym kelgen. TJM habarlaýynsha, zaqym kelgen úılerde 358 adam ómir súrgen, onyń 121-i balalar.
Groznyı qalasynyń meri Mýslım Hýchıev qalada tótenshe jaǵdaı rejımin jarııalady. Apat saldaryn joıý úshin jedel shtab quryldy.
