Sheshen dıasporasynyń ókili: Shyqqan bıigimizdi baǵalaı bilýimiz kerek

NUR-SULTAN. QazAqparat – Qyzylorda oblystyq sheshen etnomádenı birlestigi jetekshisiniń orynbasary ıÝsýp Saıdov Prezıdenttiń «Táýelsizdik bárinen qymbat» atty maqalasyn qatysty pikirin áleýmettik jelige jarııalady. Onyń aıtýynsha halqymyz ótken jolyn, shyqqan bıigin baǵalaı bilýi kerek, dep habarlaıdy QazAqparat tilshisi.

«Memleket basshysy Qasym-Jomart Toqaev «Táýelsizdik bárinen qymbat» atty maqalasyn oqyp shyqtym. Maǵynaly maqaladan uǵarymyz mol. Prezıdent yntymaǵy jarasqan jurttyń qashanda upaıy túgel qaǵıdatyn ustana otyryp, barsha qazaqstandyqty tatýlyq, birlikke shaqyrady. Osy oraıda ulty men násiline qaramaı, bar halyqty bir týdyń astyna jınaı alǵan Elbasynyń syndarly saıasatyn kópke úlgi etedi», - deıdi ıÝsýp Saıdov.

Sheshen etnomádenı birlestiginiń basshysy egemen, táýelsiz Qazaq elinde jalpy adamzattyq qundylyqtarǵa qol jetkizip, birtutas mádenı júıe qalyptastyrý úshin ótken jolymyzdy, shyqqan bıigimizdi baǵalaı bilýimiz qajettigin aıtady. Óıtkeni ótkenin baǵalaı bilmeıtin el keleshegin de boljaı almaıtynyn alǵa tartady.

««Birlik te erlik sııaqty syn saǵatta synalady» deıdi dana halqymyz. Elimiz pandemııa saldarynan kóptegen qıynshylyqtarǵa tap boldy. Degenmen qazaqstandyqtar bul qıyn sátterde aýyzbirshilik, janashyrlyq tanytyp, bir-birine qoldan kelgen kómekterin aıamady. Rasymen, birlik pen yntymaq rýhanı qundylyqtardy saqtap, qoǵamdaǵy turaqtylyqty qamtamasyz etý úshin asa qajet, sondyqtan qazirgi zamanda bul árbir qazaqstandyqtyń paryzy bolýy tıis dep oılaımyn», - deıdi ol.

Eske sala keteıik, keshe Qazaqstan Prezıdenti Qasym-Jomart Toqaevtyń «Táýelsizdik bárinen qymbat» atty maqalasy jarııalanǵan bolatyn. https://kaz.inform.kz/news/tauelsizdik-barinen-kymbat-kasym-zhomart-tokaev_a3737118