Sheshek asýynda óltirilgen eki jigittiń isine qatysy Óskemende sot protsesi bastaldy
ASTANA. QazAqparat - Shyǵys Qazaqstan oblysynyń qylmystyq ister jónindegi mamandandyrylǵan aýdanaralyq sotynda 31 naýryzda Óskemenniń irgesindegi Sheshek asýynda tirkelgen eki jigittiń ólimine qatysty sot protsesi bastaldy, dep habarlaıdy «QazAqparat» HAA tilshisi.
Sotta birneshe aıyptalýshyǵa Qylmystyq kodekstiń «kisi óltirý» men «qylmysty jasyrý» syndy salmaqty baptary boıynsha aıyp taǵylǵan. Kúdiktilerdiń biri E.Saharıev buryn qarjy polıtsııasynda qyzmetker bolǵan. Ekinshisi T. Musabaev ShQO ІІD-niń uıymdasqan qylmysqa qarsy basqarmasynda jumys istegen.
Tergeý nusqasyna sáıkes, burynǵy qarjy polıtsııasynda qyzmet etken basty aıyptalýshy Astanadan Óskemenge kelip, eki aǵaıyndy jigitti qala shetine aldap alyp shyǵyp, olardy Sheshek asýynda atyp tastaǵan.
Polıtsııa qylmys barysynda sol jerde ShQO ІІD uıymdasqan qylmysqa qarsy kúres basqarmasynyń qyzmetkeri bolǵanyn anyqtaǵan. Eki aǵaıynnyń túbine jetkennen keıin astanalyq eki múrdeni tıep alyp, qala shetine kómip ketken.
Aıyptalýshylardyń tórteýi deneni jasyrýǵa kómektesken jáne olar basty aıyptalýshynyń týystary. Atalǵan iske qatysty sotqa deıingi tergeý amaldary 4 aıdan astam ýaqytqa sozyldy.
