«Sheshe, men tirimin!»- Qazaqstandyq fılm Kann festıvalinde gran-prıge ıe boldy

ASTANA. QazAqparat – Qazaqstandyq rejısserler Ázız Zaırov pen Muhammed Mamyrbekovtiń bedeldi marapatqa ıe boldy. «Sheshe, men tirimin!» atty áleýmettik dramasy áıgili Kann festıvalinde Jibek joly elderi nomınatsııasy boıynsha gran-prı júldesine ıe boldy, dep habarlaıdy QazAqparat tilshisi.

Ázız Zaırov QazAqparat tilshisine bergen suhbatynda fılmniń shyǵarmashylyq top týyndyny pandemııa kezeńinde túsirgenin aıtyp berdi.

«Túsirilim qıyn júrdi, óıtkeni pandemııa kezine sáıkes kelgen bolatyn. Men túsirilimnen bir kún buryn koronavırýs juqtyrǵanymdy bildim. Alǵashqy 12 kúnde onlaın jumys isteýime týra keldi. Dosym meniń orynma túsirilim alańyna baryp, meni Zoom arqyly ujymmen baılanystyryp júrdi. Qalǵan bóliginde ózim tikeleı aralastym.

Bul fılm búkil analarǵa arnalǵan ánuran ispetti. Týyndy arqyly onkologııa máselesin ashqymyz keldi. Fılmniń rejısseri men stsenarıı avtory Muhammed Mamyrbekov ekeýimiz. Basty rólderdi Sultanna Sheńgel, Adel Mahmutova, Іlııas Aýtov, Aslanbı Medeýlov somdady. Qoıýshy rejısser de Muhamed Mamyrbekov ekeýimiz. Qoıýshy-operator – Qazbek Ámirjanov. Qoıýshy-sýretshi – Alekseı Fılımonov. Kompozıtor – Ásel Omarova. Dybys ınjeneri – Ilıa Korobeınıkov», - deıdi Ázız Zaırov.

Foto:facebook.com/cannes7thartawards