Sherzod Hashırbaev: aldaǵy dodalarǵa myqty bolyp oralamyz

LIVINЬO.KAZINFORM — Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń frıstaıl-akrobatıka sportynan jekeleı syndar óz máresine jetti.

Qazaqstan quramasynyń sportshysy Sherzod Hashırbaev básekeden keıin Kazinform tilshisine shaǵyn suhbat berip, jarys nátıjesi týraly pikirin bildirdi.

— Barlyǵymyz qolymyzdan kelgenin jasadyq. Jospardaǵy elementterdi óz deńgeıinde jaqsy oryndaýǵa tyrystyq. Bul — Oımpıada oıyny. Osynda álemniń eń myqty 25 sportshysy kelip otyr. Sol sebepti, básekelestik óte joǵary deńgeıde boldy, — dedi Sherzod.

Sportshy aldaǵy josparlary týraly oıymen bólisti.

— Búgingi kún ótti, endi aldaǵy ulken dodalarǵa daıyndalamyz. Myqty bolyp oralyp, elimizdi jańa nátıjelerimizben qýantamyz dep úmittenemin, — deıdi ol.

Aıta keteıik, Qazaqstan quramasy alda aralas komandalyq jarysta óner kórsetedi.
Osyǵan deıin habarlaǵanymyzdaı, frıstaıl-akrobatıkadan erler arasynda irikteý jarysynda Roman Ivanov 13-orynmen fınalǵa bir taban jetpeı qaldy. Sherzod Hashırbaev 16-orynnan kórinse, Asan Asylhan jáne Dinmuhammed Raıymqulov TOP20 qataryna kirdi.

Sondaı-aq, osyǵan deıin jazǵy jáne qysqy Olımpıada oıyndarynda top jarǵan sportshylar týraly jazǵan edik.