Sherzod Davlatov Polshada ótip jatqan Eýropa kýbogynda qola júldeger atandy

ASTANA. KAZINFORM – Qazaqstandyq dzıýdoshy Sherzod Davlatov Polsha astanasy Varshavada ótip jatqan Eýropa kýboginiń qola júldegeri atandy.

Ol 60 keli salmaqta barlyǵy bes kezdesý ótkizip, onyń tórteýin jeńispen aıaqtady. Jubanysh fınalynda otandasymyz grýzııalyq Toma Gelashvılıdi jeńip, qola júldege qol jetkizdi. 

Aıta keterligi, Varshavada erler men áıelder arasynda ótip jatqan Eýropa kýbogine 37 elden 500-ge jýyq dzıýdoshy qatysyp jatyr.

Eske salsaq, budan buryn Germanııanyń Geıdelberg qalasynda para dzıýdodan ótken Gran-prı týrnıri qazaqstandyqtar úshin tabysty aıaqtaldy.

Qazaqstan para dzıýdo federatsııasynan málim etkenindeı, jarystyń sońǵy kúni Zarına Raıfova J2 sanaty boıynsha 70 keliden joǵary salmaq dárejesinde chempıon atandy.