Sherzod Davlatov Islam Yntymaqtastyǵy oıyndarynyń kúmis júldegeri atandy

ASTANA. KAZINFORM – Saýd Arabııasynyń Ar-Rııad qalasynda ótip jatqan VI Islam Yntymaqtastyǵy oıyndarynda dzıýdodan fınaldyq beldesýler ótýde.

- Qazaqstan ulttyq quramasynyń sportshysy Sherzod Davlatov (–60 kg) fınalda túrik balýany Salıh Iyldyzǵa eskertý sany boıynsha ese jiberip, kúmis medal ıelendi, - dep jazdy Sport komıtetinen.

Aıta keteıik, otandasymyz jarystyń shırek fınalynda Nıgerııa ókili Musa Ábýbákirdi, al jartylaı fınalda Mysyr sportshysy Mahmud Hýseındi jeńip, sheshýshi kezeńge joldama alǵan bolatyn.

VI Islam yntymaqtastyǵy oıyndarynda Qazaqstan atynan 98 sportshy óner kóretetini habarlanǵan bolatyn.