Sherzod Davlatov dzıýdodan álem chempıonatynda jartylaı fınalǵa shyqty
ASTANA. KAZINFORM — Ázerbaıjan astanasy Baký qalasynda ótip jatqan dzıýdodan eresekter arasynda álem chempıonatynda qazaqstandyq Sherzod Davlatov (60 keli) jartylaı fınalǵa shyqty.
Otandasymyz jarystyń bul satysynda álem chempıonatynyń kúmis júldegeri, frantsııalyq Romen Valade-Pıkardy qapy qaldyryp ketti.
Endi ol jartylaı fınalda álem chempıony, Olımpıada oıyndarynyń júldegeri japonııalyq Rýdjý Nagaıamamen kezdesedi.
Aıta ketsek, búgin el quramasynan Ábıba Ábýjaqynova men Ǵalııa Tynbaeva (48 keli) men Aman Baqytjan (60 keli) jarystyń túrli satysynda qarsylastaryna ese jiberip qoıdy.
Álem chempıonatynda endi 5-12 qazan aralyǵynda erler quramasy sapynda Nurqanat Serikbaev pen Asyljan Jubatqanov (66 keli), Eset Qýanov pen Ańsarbek Ǵaınýllın (73 keli), Jalǵas Qaırolla men Abylaıhan Jubanazar (81 keli), Danıl Krylov (90 keli) tatamıge shyǵady.
Al áıelderde Esmıgúl Kýıýlova (63 keli), Arýna Jangeldına (78 keli), Aqerke Ramazanova men Kamıla Berliqash (78 keliden joǵary) el namysyn qorǵaıdy.
