Sherzod Davlatov – Aýstrııadaǵy Gran-prıdiń qola júldegeri
ASTANA.KAZINFORM — Aýstrııanyń Lınts qalasynda bastalǵan dzıýdodan Gran-prı týrnırinde Qazaqstan komandasynyń qorjynyna alǵashqy júlde tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erler arasynda -60 kg salmaqtyń kishi fınalynda eki otandasymyz Sherzod Davlatov pen Aman Baqytjan kezdesti. Bul beldesýdiń ortasynda Davlatov taza jeńiske jetti.
Aıta keteıik, kúndizgi sessııada Sherzod jartylaı fınalǵa jetip, ýkraınalyq Dılshod Halmatovqa jol berdi. Al Aman Baqytjan shırek fınalda súrinip, jubanysh kezeńinde Mýrad Mýradlıdiń (Ázirbaıjan) osal tusyn tapty.
Birneshe sátter buryn Abıba Abýjaqynova (-48 kg) qola júldege talasta, Nıderland dzıýdoshysynan jeńilip qaldy.
Buǵan deıin tórt qazaqstandyq dzıýdoshy Aýstrııadaǵy Gran-prıde qola medal úshin beldesetinin jazǵan edik.