Sherzod Davlatov álemdik reıtıngte 15 qarsylasyn artqa tastady
ASTANA. KAZINFORM — Halyqaralyq dzıýdo federatsııasy (IJF) sportshylardyń jańartylǵan reıtıngin jarııalady, dep habarlaıdy UOK baspasóz qyzmeti.
60 kelidegi otandasymyz Sherzod Davlatov birden 15-satyǵa joǵary kóterilip, toǵyzynshy orynǵa jaıǵasty. Jańartylǵan reıtıngke sáıkes qazaqstandyq sportshynyń enshisinde 3263 upaı bar.
Ázerbaıjandyq Ahmad ıÝsıfov 5180 upaımen kósh bastady. Onyń jerlesi Balabeı Agaev 4823 upaımen ekinshi satyǵa jaıǵasty.
Al Reseı ókili Aıýb Blıev 4600 upaımen úshinshi orynda tur.
Aıta keteıik, buǵan deıin Bakýde (Ázerbaıjan) ótken álem chempıonatynda Sherzod Davlatov 60 keli salmaqta kúmis júldeger atanǵan edi.
Buǵan deıin Qazaqstan dzıýdodan álem chempıonatyn bir medalmen aıaqtaǵanyn jazǵanbyz.
