Sherzat sotynda jaryssóz bastaldy
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynda 16 jastaǵy Sherzat Polattyń ólimine baılanysty qozǵalǵan qylmystyq is boıynsha ashyq sot otyrysy ótip jatyr.
Búgin sot otyrysynda jaryssóz bastaldy. Qazir memlekettik aıyptaýshy Dana Sársenbaı sóz aldy.
— Búgingi qaralyp otyrǵan qylmystyq is — bul jaı ǵana sot otyrysy emes, bir otbasynyń úmitin úzip, qabyrǵasyn qaıystyrǵan qasiret. Bul Sherzat esimdi jas balanyń úzilgen ómiri. Bul qoǵamnyń shyrqyn buzǵan qaıǵyly oqıǵa. Endi osy qylmystyq is boıynsha kópshiliktiń kóńilinen shyǵatyn ádil sheshim qabyldaý jáne isti sóz búıdaǵa sala bermeı, núkte qoıý qajettigi barshamyzdy tolǵandyryp otyrǵany anyq. Qatań jaza men zańǵa sáıkes qabyldanǵan sot úkimi ǵana ádildikti qalpyna keltire alady, — dedi prokýror.
Alǵashqy sot otyrysynda prokýror oqıǵanyń tolyq hronologııasyn baıandady.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat aǵasynyń denesi tabyldy.