Sherzat sotynda tanylǵan prokýrordyń sheni ósti

ALMATY. KAZINFORM – 16 jastaǵy Sherzat Polatty óltirý jónindegi qylmystyq is boıynsha memlekettik aıyptaýshy Dana Sársenbaıǵa birinshi synypty zańger (ádilet kapıtany) sheni berildi.

Sonymen qatar Qazaqstan Respýblıkasy Bas prokýrorynyń buıryǵyna sáıkes, ol «Úzdik memlekettik aıyptaýshy» tósbelgisimen marapattaldy.

Aıta keteıik, buǵan deıin Dana Sársenbaı kásibıligi jáne sottarda memlekettik aıyptaý pozıtsııasyn joǵary deńgeıde qoldaǵany úshin Qazaqstan Respýblıkasynyń úzdik memlekettik aıyptaýshysy dep tanylǵan bolatyn.

Eske salaıyq, 2024 jyly Talǵar qalasyndaǵy tóbelesten 16 jastaǵy Sherzat Polat qaıtys boldy. 

Bul is boıynsha ótken sotta prokýror Dana Sársenbaı 7-23 jyl arasynda jaza surady. 

Keıin Jetisý oblysynyń qylmystyq ister jónindegi mamandandyrylǵan aýdanaralyq sotynda 9 aıyptalýshy sot úkimi shyqty.