Sherzat soty: sottalýshylardyń advokattary prokýrordy aýystyrýdy ótindi
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty sot otyrysy ótip jatyr.
Búgin sotta aıyptalýshy Darhan Áskentaıdan jaýap alyndy. Memlekettik aıyptaýshy Dana Sársenbaı sottalýshyǵa birneshe suraq qoıdy. Degenmen, Darhan Áskentaıdyń qorǵaýshysy jáne ózge aıyptalýshylardyń advokattary prokýrordyń is-áreketine qarsylyq bildirdi. Olardyń aıtýynsha, memlekettik aıyptaýshy burmalanǵan suraqtar qoıyp, emotsııaǵa berilgen.
Prokýror zańsyz is-áreket jasamaǵanyn jáne sot otyrysyna qatysýǵa Bas prokýratýranyń tapsyrmasy bar ekenin atap ótti.
Jábirlenýshi taraptyń advokattary sottan bul ótinishti qanaǵattandyrmaýdy ótindi.
Sot sheshim shyǵarý úshin keńesý bólmesine ketti.
Eske salaıyq, sotta aıyptalýshy Darhan Áskentaı jaýap berdi.
Prokýror oqıǵanyń tolyq hronologııasyn baıandady.
Aıyptalýshylardyń kópshiligi kináni moıyndaǵan joq.
Sotta Sherzattyń ákesi Qarjaýbaı Nurymov ol kıkiljiń qalaı bastalǵanyn aıtqan edi.
Sonymen qatar oqıǵa ornyna alǵash barǵan polıtseıler jaýap berdi.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat aǵasynyń denesi tabyldy.