Sherzat soty: sot moraldyq ótemaqy tóleýge mindettedi

TALDYQORǴAN. KAZINFORM – Jetisý oblysynyń qylmystyq ister jónindegi mamandandyrylǵan aýdanaralyq sotynda 16 jastaǵy Sherzat Polattyń ólimine qatysty qylmystyq is boıynsha úkim jarııalandy.

Sot sheshimimen azamattyq talaptyń bir bóligi qanaǵattandyryldy.

Jábirlenýshiler Qarjaýbaı Nurymov, Gúlbara Bıshimbıeva jáne Jumabıke Qadırova árqaısysynyń paıdasyna Abzal Shynasyldan 20 mıllıon teńgeden moraldyq ótemaqy óndirilsin dep sheshildi. 

Sonymen qatar memleket paıdasyna 1981 teńge kóleminde memlekettik baj salyǵy alynady.

Ravıl Sakıevten Qarjaýbaı Nurymov jáne Jumabıke Qadırovaǵa árqaısyna 15 mıllıon teńge moraldyq ótemaqy, sondaı-aq 1981 teńge memlekettik baj salyǵy óndirilsin.

Shyńǵys Belǵojaev, Nurqııas Іlııasov, Darhan Áskentaı, Nurbol Toqtaýbaev, Dıdar Qalıahmet, Azamat Toqtaýbaev jáne Ravıl Sakıev ortaq jaýapkershilikpen Gúlbara Bıshimbıevanyń paıdasyna 10 mıllıon teńge kóleminde moraldyq ótemaqy tóleıtin bolady.

Sh.Belǵojaev, N.Іlııasov, D.Áskentaı, N.Toqtaýbaev, D. Qalıahmet, A.Toqtaýbaevtan jábirlenýshi Qarjaýbaı Nurymov pen Jumabıke Qadırovanyń paıdasyna da ortaq jaýapkershilikpen 10 mıllıon teńgeden ótemaqy tóleýge mindetteldi.

Buǵan deıin, aıyptaýshylarǵa qandaı jaza taǵaıyndalǵanyn jazǵan bolatynbyz.