Sherzat soty: prokýror kýáger qyzdardyń is-áreketin qaıta tekserýdi surady

TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynda 16 jastaǵy Sherzat Polattyń ólimine baılanysty sot otyrysynda jaryssóz ótip jatyr.

Memlekettik aıyptaýshy Dana Sársenbaı jaryssózde kýáger retinde tanylǵan Elmıra Nurbekova men Dana Jaqsygeldige qatysty qaıta tergeý júrgizýdi surady.

— Іs boıynsha suralǵan kýálar Elmıra Nurbekova men Dana Jaqsygeldi áreketterin tekserý jáne olarǵa quqyqtyq baǵa berý úshin jeke qaýly shyǵarýdy, ony Almaty oblysy polıtsııa departamentine joldaýdy suraımyn, — dedi prokýror.

Sondaı-aq memlekettik aıyptaýshy Arlan Qazykenov pen ıÝldash Rozybakıevke qatysty dál osyndaı ótinish jasady.

— Sotta suralǵan kýá retinde Arlan Qazykenov pen ıÝldash Rozybakıevke qatysty protsessýaldy shara qabyldaý úshin jeke qaýly shyǵaryp, Almaty oblysy polıtsııa departamentine joldaýdy suraımyn, — dedi Dana Sársenbaı.

Eske salaıyq, buǵan deıin prokýror aıyptalýshylarǵa 7-23 jyl arasynda jaza suraǵanyn jazǵanbyz.

Budan buryn sotta kýáger Elmıra Nurbekovadan jaýap alynǵan edi.

Sonymen qatar ekinshi kýáger qyz Dana Jaqsygeldi oqıǵa týraly baıandaǵan bolatyn.