Sherzat soty: Oqıǵa boıynsha memlekettik saraptama qortyndysy jarııalandy

TALDYQORǴAN. KAZINFORM – Búgin Jetisý oblysynyń qylmystyq ister jónindegi mamandandyrylǵan aýdanaralyq sotynda Sherzat Polattyń ólimine qatysty qylmystyq is boıynsha kezekti ashyq sot otyrysy jalǵasyp jatyr. 

Otyrys barysynda memlekettik aıyptaýshylar sot-medıtsınalyq saraptama qorytyndysyn oqyp, marqum qandaı dene jaraqatynan kóz jumǵanyn málimdedi. Sondaı-aq sotqa memlekettik sot-medıtsına saraptamashysy shaqyryldy.

Saraptama júrgizgen Muhıt Kósherov – Almaty qalalyq sot-medıtsına saraptama ortalyǵynyń Talǵar bólimshesiniń mamany. Onyń aıtýynsha, marqumnyń sol jaq keýde qýysyna engen, shanshyla kesilgen jaraqat tirkelgen. 

– Jara 5 jáne 6-qabyrǵalar arasynan enip, plevra qýysyna ótip, sol jaq ókpeniń bóligin zaqymdaǵan. Jaranyń syrtqy ólshemi – 2 sm, tereńdigi – 12 sm. Baǵyty arttan alǵa, soldan ońǵa jáne joǵarydan tómenge qaraı baǵyttalǵan. Sonymen qatar oń kózi astynda jáne oń qolynda qantalaý, al, eki qolynda, jelkesiniń sol jaǵynda jáne oń tizesinde syzattar anyqtaldy, - dedi sarapshy.

Saraptama qorytyndysyna sáıkes, marqumnyń tikeleı ólimine sol jaq keýde qýysyna engen jaraqat sebep bolǵan. Ol ókpeniń zaqymdanýymen qatar, ókpeqap qýysynda 1 500 ml qannyń jınalýyna ákelgen. Qalǵan jaraqattardyń ólimge sebep bolmaǵany atap ótildi.

Muhıt Kósherovtiń aıtýynsha, eger jedel medıtsınalyq kómek der kezinde kórsetilip, operatsııa jasalǵanda, Sherzat Polatty aman alyp qalý múmkindigi bolǵan. 

Sot otyrysyna qosymsha saraptama júrgizgen táýelsiz sarapshy Tahır Halımnazarov shaqyryldy. Ol memlekettik sot-medıtsınalyq saraptamanyń qorytyndysymen kelisetinin málimdedi. 

Aıta keteıik, osyǵan deıin Abzal Shynasyl sottalýshylardyń bireýi Sherzatqa pyshaq salǵany jaıly málemdegen bolatyn. 

Pyshaqty kórdim, biraq ózimdi ǵana qorǵaýǵa tyrystym. 

Abzal Shynasyl kimdi pyshaqtaǵanyn aıtty. 

Aıta keteıik, Sherzat Polattyń ólimi boıynsha alǵashqy sot otyrysynda prokýror oqıǵanyń tolyq hronologııasyn baıandady.