Sherzat soty: Marqumnyń anasy kelesi sot otyrysyna shaqyryldy

TALDYQORǴAN. KAZINFORM – Sherzat Polattyń ólimine qatysty qylmystyq is boıynsha sot otyrysy jalǵasyp jatyr. Búgingi tyńdalymda sot materıaldaryn zerdeleý jalǵasty.

Sot barysynda memlekettik aıyptaýshy tergeý kezinde júrgizilgen bettestirý hattamasyn jarııa etti. Atalǵan qujatta prokýror Gúlbara Bıshimbıeva men Dıdar Qalıahmettiń arasynda ótken bettestirý jaıly málimetter oqyldy.

– Oqıǵa bolǵan kúni Dıdar Qalıahmetti kórdim, aty-jónin qazir ǵana bildim. Buryn arada arazdyq bolmaǵan. Meni eki bala ustap turǵan kezde olar Sherzat pen Nurqatanatty tepkiledi. Uryp jatqanyn naqty kórdim, – dep oqydy prokýror hattamadan.

Sot barysynda aıyptalýshy tarap jábirlenýshi Gúlbara Bıshimbıevany kelesi sot otyrysyna shaqyrý týraly ótinish bildirdi. Advokat onyń tergeý kezinde bergen jaýaby men sotta aıtqan málimdemesi sáıkes emes ekenin alǵa tartty.

Sýdıa ótinishti qanaǵattandyryp, jábirlenýshini sotqa shaqyrýdy memlekettik aıyptaýshylarǵa tapsyrdy.

Aıta keteıik, Qarjaýbaı Nurymovtyń qolynda qandaı pyshaq bolǵany jaıly jazǵanbyz.

Osyǵan deıin Abzal Shynasyl sottalýshylardyń bireýi Sherzatqa pyshaq salǵany jaıly málemdegen bolatyn.

Pyshaqty kórdim, biraq ózimdi ǵana qorǵaýǵa tyrystym.

Abzal Shynasyl kimdi pyshaqtaǵanyn aıtty.

Sherzat isindegi basty aıyptalýshy osyǵan deıingi sózinen bas tartqany jaıly jazǵan bolatynbyz.

Eske sala keteıik, Sherzat Polattyń ólimine qatysty sotta taǵy bir sottalýshy aıyptaý aktisimen kelispeıtinin aıtqan.