Sherzat soty: aıyptalýshy kinásiz ekenin dáleldeý úshin polıgraftan ótýge daıyn ekenin aıtty
TALDYQORǴAN. KAZINFORM – Jetisý oblysynyń mamandandyrylǵan aýdanaralyq sotynda Sherzat Polattyń ólimine qatysty qylmystyq is qaralyp jatyr.
Atalǵan sot isinde Dıdar Qalıahmet óziniń tóbeleske qatyspaǵanyn jáne pyshaq qoldanbaǵanyn nemese soqqy jasamaǵanyn dáleldeý maqsatynda polıgraftan ótýge daıyn ekenin atap ótti.
— Qazir tehnologııa damyǵan zaman. Qalasańyzdar men jalǵan sózdi anyqtaıtyn qurylǵydan ótýge daıynmyn. Kimdi urdym, urmadym bárin aıtýǵa ázirmin, — dedi ol sotta.
Alaıda sot bul usynysty qabyldamady.
Osyǵan deıin Abzal Shynasyl sottalýshylardyń bireýi Sherzatqa pyshaq salǵany jaıly aıtqan bolatyn.
Sonymen qatar Dıdar Qalıahmet jaýap berip, qylmys jasalǵan sáttegi jaǵdaıdy baıandap bergen edi.
Buǵan deıin Abzal Shynasyl kimdi pyshaqtaǵanyn aıtqan edi.
Sondaı-aq Sherzat isindegi basty aıyptalýshy osyǵan deıingi sózinen bas tartqany jaıly jazǵan bolatynbyz.
Aıta keteıik, Sherzat Polattyń ólimi boıynsha alǵashqy sot otyrysynda prokýror oqıǵanyń tolyq hronologııasyn baıandady.
Byltyr 4 qazan kúni tóbelesten 16 jastaǵy jasóspirim qaza bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzattyń aǵasy Nurqanat Ǵaıypbaevtyń denesi tabyldy.