Sherzat isine baılanysty sot nelikten Taldyqorǵanda ótip jatyr —sýdıa jaýaby
TALDYQORǴAN. KAZINFORM — Sot Taldyqorǵan qalasyndaǵy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda jatyr.
Sot otyrysyna qatysýshylar tóraǵalyq etip otyrǵan sýdıa Erjan Januzaqovtan sotty Almaty oblysy Qarasaı aýdany Qaskeleń qalasynda ótkizýdi surady. Sýdıa bul ótinishti qanaǵattandyrmaı, sottyń Taldyqorǵan qalasynda ótýiniń sebebin túsindirdi.
— Bul ótinish boıynsha Almaty oblysynda tergeý ızolıatory joq. Sottalýshylar tergeý ızolıatorynda otyrýy qajet. Qazirgi tańda sottalýshylar № 71 mekemede kúzetpen ustalyp otyr. Sondyqtan Qarasaı aýdandyq sotynyń ǵımaratynda sot otyrysyn ótkizý múmkindigi joq. Sol sebepti Taldyqorǵan qalasyndaǵy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda ótkizýge qaýly etildi, — dedi Erjan Januzaqov.
Eske salaıyq, buǵan deıin Sherzat isi boıynsha sottalýshylarǵa birneshe bap boıynsha aıyp taǵylǵanyn jazǵanbyz.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
Keıin ashýly talǵarlyqtar jasóspirim ólimine baılanysty narazylyqqa shyqty.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.
2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.
bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.
Bas prokýrordyń orynbasary Ǵalymjan Qoıgeldıev Sherzat Polattyń úıiniń órtenýine qatysty tergeýdiń jańa málimetterin aıtty.