Sherzat isindegi kýáger qyzdarǵa qatysty is qozǵaldy ma

QONAEV. KAZINFORM – Sherzat Polattyń ólimine qatysty iste birinshi satydaǵy sot D.Jaqsygeldi, E.Nurbekova, A.Kazakenov jáne ıÝ.Rýzbakıevtiń áreketterinde prokýrordyń nazaryn aýdarý týraly jeke qaýly shyǵardy.

Apellıatsııalyq sot jeke qaýlyny ózgerissiz qaldyryp, úkim zańdy kúshine endi.

Kazinform agenttigi Almaty oblysynyń prokýratýrasyna saýal joldap, sot qaýlysyna baılanysty qandaı jumys atqarylǵanyn surady.

- D.Jaqsygeldi, E.Nurbekova, A.Kazakenov jáne ıÝ.Rýzbakıevtiń áreketterine qatysty sot shyǵarǵan jeke qaýly boıynsha, oblys prokýratýrasy ony aqparattardy esepke alý kitabyna tirkep, protsestik sheshim qabyldaý úshin qujattar Almaty oblysynyń polıtsııa departamentine joldandy, - delingen Almaty oblysy prokýrorynyń orynbasary Abylaıhan Ońdasyn jaýabynda.

Eske salaıyq, byltyr 4 qazan kúni tóbelesten 16 jastaǵy Sherzat Polat qaıtys boldy.

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.

Sot úkimimen 16 jastaǵy Sherzat Polattyń ólimine qatysty 9 adam 23 jyldan 1,5 jylǵa deıin sottaldy.

Keıin Nurqanat Ǵaıypbaevtyń ólimine qatysty tergeý toqtatyldy.