Sherzat isindegi kýáger qyzdarǵa qatysty qaıta tergeý bola ma

QONAEV. KAZINFORM — Bul suraqqa Almaty oblysynyń prokýratýrasy jaýap berdi. 

Sot úkimimen 16 jastaǵy Sherzat Polattyń ólimine qatysty 9 adam 23 jyldan 1,5 jylǵa deıin sottaldy.

Sondaı-aq isti qaraǵan sýdıa Erjan Januzaqov oqıǵa ornynda bolǵan Elmıra Nurbekova, Dana Jaqsygeldige jáne sottalǵandarǵa keıin qosylǵan ıÝldash Rýzbakıev, Arlan Qazekenovke qatysty jeke qaýly shyǵardy.

Osy oraıda, agenttik Almaty oblysynyń prokýratýrasyna saýal joldap, qaýly boıynsha qandaı shara qabyldanǵanyn surady.

— Almaty oblysynyń qylmystyq ister jónindegi mamandandyrylǵan aýdanaralyq sotynyń 2025 jylǵy 5 maýsymdaǵy jekeshe qaýlysy qazirgi ýaqytta zańdy kúshine engen joq. Óıtkeni QPK 414-babyna sáıkes sot aktisine taraptarmen apellıatsııalyq shaǵym keltirilgen. Qylmystyq is oblystyq sotynyń óndirisinde. Sondyqtan jekeshe qaýly zańdy kúshine engennen keıin protsestik sheshim qabyldanady, — dep habarlady prokýratýradan.

Eske salaıyq, byltyr 4 qazan kúni tóbelesten 16 jastaǵy Sherzat Polat kóz jumdy.

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy. 

Bıyl Nurqanat Ǵaıypbaevtyń ólimine qatysty tergeý toqtatyldy.