Sherzat isinde kýáger qyzdardyń áreketinde qylmys quramy joq — Sádenov

ASTANA. KAZINFORM — Sherzat Polattyń ólimine qatysty iste kýáger bolǵan D. Jaqsygeldi men E.Nurbekovanyń árekentinde qylmys quramy joq. Bul týraly Іshki ister mınıstri Erjan Sádenov aıtty. 

— Qylmystyń is júzinde bolǵany anyq. Bastapqyda-aq bárin anyqtap, ustadyq. Iá, qaıǵyly jaıt, aýyr qylmys. Birden bastapqy baǵa berdik. Atap aıtqanda, atalǵan azamattarǵa qatysty qylmys quramy ol jerde bolmady. Árıne, biz sot qaýlysyn alyp, tyńǵylyqty qarap shyqtyq. Ol jerde qylmys quramy joq. Olar kýáger retinde boldy. Bul basynan-aq anyq edi. Degenmen, tyńǵylyqty tekserdik, — dedi Erjan Sádenov Іshki ister mınıstrliginde ótken Úkimet saǵatynan keıin BAQ ókilderiniń saýalyna oraı.

Eske salaıyq, byltyr 4 qazan kúni tóbelesten 16 jastaǵy Sherzat Polat qaza boldy. 

Sot úkimimen 16 jastaǵy Sherzat Polattyń ólimine qatysty 9 adam 23 jyldan 1,5 jylǵa deıin sottaldy. 

Osydan birneshe kún buryn Sherzat Polattyń ólimine qatysty iste birinshi satydaǵy sot D. Jaqsygeldi, E.Nurbekova, A.Kazakenov jáne ıÝ.Rýzbakıevtiń áreketterine prokýrordyń nazaryn aýdarý týraly jeke qaýly shyǵardy.