Sherzat isi: jábirlenýshi sottalýshylardy fotosýretten tanydy

TALDYQORǴAN. KAZINFORM – Sherzat Polattyń ólimine qatysty is boıynsha sot otyrysy jalǵasyp jatyr. Búgingi tyńdalymda sot isiniń materıaldaryn zerdeleýge kiristi.

Memlekettik aıyptaýshynyń málimdeýinshe, tergeý kezinde kámelet jasyna tolmaǵan jábirlenýshi Mahmet Ahmetke kúdiktilerdi taný úshin A4 formatyndaǵy tórt adamnyń fotosýretteri usynylǵanyn jáne arasynnan Shynasyl Abzaldyń tanyǵanyn aıtty.

– Jábirlenýshi usynylǵan tórt fotosýretti qarap shyǵyp, №3 sýrettegi azamatty birden tanyǵanyn aıtty. Onyń aıtýynsha, dál osy azamat ózin judyryqpen urǵan, – dedi prokýror.

Sondaı-aq jábirlenýshi Ahmet Mahmet kezekti foto usynylǵan kezinde №1 sýrettegi azamatty tanyp, onyń oqıǵa ornynda «Mercedes» markaly kólikten túsip, barsetkasynan pyshaq alyp shyqqanyn jáne keıin ony qaıta salǵanyn baıandady.

Prokýrordyń aıtýynsha, fotoda kórsetilgen azamat – Ilıasov Nurqııas.

Óz kezeginde aıyptalýshy Nurqııas ózimen birge barsetka bolmaǵanyn aıtyp, sýdıadan osy málimdemeni nazarǵa alýdy surady.

Sonymen qatar, qara tústi Toyota Land Cruiser jáne kók tústi Volkswagen Golf markaly kólikterdiń vıdeoregıstratorlary tárkilengen. Sonymen qatar, Volkswagen Golf kóligi aıǵaqty zat retinde tanylǵanyn málimdedi.

Osyǵan deıin Abzal Shynasyl sottalýshylardyń bireýi Sherzatqa pyshaq salǵany jaıly málemdegen bolatyn.

Aıta keteıik, pyshaqty kórdim, biraq ózimdi ǵana qorǵaýǵa tyrystym.

Abzal Shynasyl kimdi pyshaqtaǵanyn aıtty.

Sherzat isindegi basty aıyptalýshy osyǵan deıingi sózinen bas tartqany jaıly jazǵan bolatynbyz.

Eske sala keteıik, Sherzat Polattyń ólimine qatysty sotta taǵy bir sottalýshy aıyptaý aktisimen kelispeıtinin aıtqan.