Sherzat isi: Sot prokýrordy aýystyrýdan bas tartty
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty sot otyrysy ótip jatyr.
Sot otyrysy kezinde sottalýshylardyń advokattary prokýrordy aýystyrýdy ótindi.
Keńes bólmesinen kelgen sýdıa Erjan Januzaqov prokýrordy aýystyrýdan bas tartty.
— QR Qylmystyq kodeksiniń 87, 88 baptarynda naqty qandaı jaǵdaıda memlekettik aıyptaýshy iske qatysa almaıtyny kórsetilgen. Mundaı jaǵdaılar sotpen anyqtalǵan joq. Memlekettik aıyptaýshy Sársenbaıdyń bul iske qandaı da bir múddeliligi, tikeleı ne janama qatystylyǵy anyqtalyp otyrǵan joq, — dedi sýdıa Erjan Januzaqov.
Eske salaıyq, sotta aıyptalýshy Darhan Áskentaı jaýap berdi.
Prokýror oqıǵanyń tolyq hronologııasyn baıandady.
Aıyptalýshylardyń kópshiligi kináni moıyndaǵan joq.
Sotta Sherzattyń ákesi Qarjaýbaı Nurymov ol kıkiljiń qalaı bastalǵanyn aıtqan edi.
Sonymen qatar oqıǵa ornyna alǵash barǵan polıtseıler kýálik berdi.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat aǵasynyń denesi tabyldy.