Sherzat isi: kýáger qyzdarǵa qatysty sot qaýlysy kúshine endi
QONAEV. KAZINFORM — Almaty oblystyq sotynyń ǵımaratynda búgin Sherzat Polattyń ólimine qatysty apellıatsııalyq sot ótti.
Birinshi satydaǵy sot D. Jaqsygeldi, E.Nurbekova, A.Kazakenov jáne ıÝ.Rýzbakıevtiń áreketterinde qylmys belgileri bolýy múmkindigine prokýrordyń nazaryn aýdarý týraly jeke qaýly shyǵarǵan edi.
Sottyń bul qaýlysyna qatysty advokat D. Sydyqbekov kýáger D. Jaqsygeldiniń múddesinde jeke shaǵym túsirgen.
Almaty oblystyq sotynyń qylmystyq ister jónindegi sot alqasy jeke qaýlyny ózgerissiz qaldyrdy. Sondaı-aq apellıatsııalyq sot aıyptalýshylardyń ótinishin qanaǵattandyrmaı, alǵashqy úkimdi ózgerissiz qaldyrdy.
Buǵan deıin-aq prokýratýra Sherzat isindegi kýáger qyzdarǵa qatysty tergeý nelikten qaıtadan bastalmaǵanyn túsindirdi.
Eske salaıyq, byltyr 4 qazan kúni tóbelesten 16 jastaǵy Sherzat Polat kóz jumdy.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.
Bıyl 17 maýsym kúni Nurqanat Ǵaıypbaevtyń ólimine qatysty tergeý toqtatyldy.
Odan bólek Sherzat ákesiniń úıi órtenýine baılanysty tergeý ázirge toqtap turǵany habarlandy.