Sherzat isi boıynsha sottalýshylardyń biri bostandyqqa shyqty

QONAEV. KAZINFORM – Sherzat Polattyń ólimine qatysty aıyptalǵan Dýman Ysqaq bostandyqqa shyqty.

Dýman Ysqaq Qylmystyq kodekstiń 434-baby (qylmys týraly habarlamaý) boıynsha kináli dep tanylyp, 1 jyl 6 aıǵa sottalǵan bolatyn.

Jábirlenýshi taraptyń advokaty bolǵan Meıirman Shekeev aıyptalýshy jazasyn óteýine baılanysty bostandyqqa shyqqanyn habarlady. Sonymen qatar ol Sherzat isi boıynsha appelıatsııalyq sot 2025 jyldyń 18 tamyz kúni Almaty oblystyq sotynyń ǵımaratynda ótetinin atap ótti.

Kazinform agenttigi tilshisi bul derekterdi naqtylaý úshin Almaty oblystyq sotyna resmı saýal joldady.

Eske salaıyq, byltyr 4 qazan kúni tóbelesten 16 jastaǵy Sherzat Polat qaıtys boldy.

Bul is boıynsha barlyǵy 9 adam 23 jyldan 1,5 jylǵa deıin sottaldy.