Sherzat isi: apellıatsııalyq sot úkimdi ózgerissiz qaldyrdy

QONAEV. KAZINFORM — Almaty oblystyq sotynyń ǵımaratynda Sherzat Polattyń ólimine qatysty apellıatsııalyq sot ótti. 

Bıyl 5 maýsym kúni sot úkimimen 16 jastaǵy Sherzat Polattyń ólimine qatysty 9 adam 23 jyldan 1,5 jylǵa deıin sottaldy.

Atap aıtqanda:

— Abzal Shynasyl 23 jylǵa;

— Ravıl Sakıev 20 jylǵa;

— Azamat Toqtaýbaev 15 jylǵa;

— Nurqııas Іlııasov 9 jylǵa;

— Shyńǵys Belǵojaev, Darhan Áskentaı, Nurbol Toqtaýbaev, Dıdar Qalıahmet — árqaısysy 7 jylǵa;

— Dýman Ysqaq 1 jyl 6 aıǵa sottaldy.

Dýman Ysqaq shilde aıynda jazasyn óteýine baılanysty bostandyqqa shyqqan bolatyn.

Apellıatsııalyq sot qalǵan 8 aıyptalýshynyń ótinishin qanaǵattandyrmaı, alǵashqy úkimdi ózgerissiz qaldyrdy. Sot otyrysyna sottalǵandar qatysqan joq.

Іstiń mán-jaıy

Eske salaıyq, byltyr 4 qazan kúni tóbelesten 16 jastaǵy Sherzat Polat kóz jumdy.

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy. 

Bıyl 17 maýsym kúni Nurqanat Ǵaıypbaevtyń ólimine qatysty tergeý toqtatyldy.

Sondaı-aq prokýratýra Sherzat isindegi kýáger qyzdarǵa qatysty tergeý nelikten qaıtadan bastalmaǵanyn túsindirdi.

Odan bólek Sherzat ákesiniń úıi órtenýine baılanysty tergeý ázirge toqtap turǵany habarlandy.