Sherzat isi: Aǵasynyń ólimine qatysty tergeý toqtatyldy
QONAEV. KAZINFORM — Nurqanat Ǵaıypbaevtyń ólimine qatysty tergeý toqtatyldy.
Bul týraly Sherzat Polattyń ólimine qatysty iste jábirlenýshi taraptyń qorǵaýshysy bolǵan Meıirman Shekeev aıtty.
— Nurqanattyń isi toqtatylǵan. Alaıda biz bolashaqta isti qaıta jandandyrý úshin ótinishhat túsiretin bolamyz, — dep jazdy ol.
Advokat málimdemesine baılanysty agenttik Almaty oblysynyń polıtsııa departamentine saýal joldady.
Eske salaıyq, byltyr 4 qazan kúni tóbelesten 16 jastaǵy Sherzat Polat qaıtys boldy.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy.
Sherzat isine qatysty sotta Nurqanat Ǵaıypbaevtyń janjal barysynda qandaı jaraqat alǵany aıtyldy.
Sherzat ólimine qatysty 9 adam 23 jyldan 1,5 jylǵa deıin sottaldy.
Sottalǵan Dýman Ysqaq jazasyn óteýine baılanysty bostandyqqa shyqty. Al is boıynsha apellıatsııalyq sot 18 tamyz kúni saǵat 11:00–de oblystyq sot ǵımaratynda ótedi.