Sherzat Polattyń isi boıynsha sottalǵandar apellıatsııalyq shaǵym túsirdi

ALMATY. KAZINFORM – Zardap shekken taraptyń advokaty Meıirman Shekeev Sherzat Polat isi boıynsha sottalǵandardyń jeteýi appelıatsııalyq shaǵym túsirgenin málimdedi.

Advokattyń aıtýynsha, 21 maýsymda úkim zańdy kúshine endi. Sot sheshimimen tanysqan kúnnen bastap sottalǵandar men olardyń qorǵaýshylaryna úkimge shaǵymdanýǵa 15 kún beriledi.

– Qazirgi tańda bizge belgilisi – sottalýshylar Belǵojaev pen Dýman Ysqaqtan basqasy apellıatsııalyq shaǵym bergen. Osyǵan baılanysty biz bolashaqta habar berip otyramyz. Qaı kúnge belgilenetini jaqyn arada belgili bolady, — dedi M. Shekeev. Eske sala keteıik, Sherzat isi boıynsha 5 maýsym kúni 9 kúdiktige qatysty sot úkimi shyqqan edi. 

Abzal Shynasyl — 23 jylǵa, al Ravıl Sakıev — 20 jylǵa bas bostandyǵynan aıyryldy. Qalǵan jeti adam buzaqylyq úshin 1,5 jyldan 15 jylǵa deıingi merzimge sottaldy.

Buǵan deıin Іshki ister mınıstriniń orynbasary Sanjar Ádilov Talǵardaǵy rezonansty oqıǵadan keıin jumbaq jaǵdaıda qaıtys bolǵan Nurǵanat Ǵaıypbaevtyń ólimine baılanysty is qaı satyda ekenin aıtqan bolatyn.