Sherzat Polattyń ólimine qatysty qylmystyq isti tergeý jyl sońyna deıin aıaqtalady

ASTANA. KAZINFORM – Talǵar qalasyndaǵy Sherzat Polattyń ólimine qatysty qylmystyq isti tergeý jyl sońyna deıin aıaqtalady. Bul týraly Іshki ister mınıtriniń orynbasary Sanjar Ádilov aıtty.

— Talǵardaǵy kisi óltirý deregi boıynsha jyl sońyna deıin qylmystyq is aıaqtalady. Qylmystyq istiń materıaldary tanysý úshin usynylady. Tergeý aıaqtalý satysynda. Bıyldyń aıaǵyna deıin barlyq saraptamany alyp, tergeý is-qımyldaryn aıaqtaımyz. Osy qylmystyq is aıasynda 11 adam qamaýda otyr. Olardyń barlyǵy jaýapqa tartylady. Prokýrordyń kelisimi boıynsha túpkilikti aıyp taǵylady, — dedi S. Ádilov Parlament Májilisinde tilshiler suraǵyna jaýap bere otyryp.

Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz. 

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy. 

9 jeltoqsanda Talǵar mańynda Sherzat Polattyń aǵasy óli tabylǵany málim boldy.

Almaty oblysy PD bastyǵynyń birinshi orynbasary Baǵdat Áshimovtyń aıtýynsha, marqum Sherzat Polattyń aǵasy óz-ózine qol salar aldynda týysyna WhatsApp jelisi arqyly habarlama jibergen.