Sherzat Polattyń ákesi Qarjaýbaı Nurymov 15 táýlikke qamaldy

QONAEV. KAZINFORM - Eńbekshiqazaq aýdandyq sotynyń sheshimimen marqum Sherzat Polattyń ákesi Qarjaýbaı Nurymov 15 táýlikke qamaldy.

- Qoǵamdyq orynda balaǵat sózder aıtqany, quqyq qorǵaý organdarynyń qyzmetkerlerin qorlap, sondaı-aq qoǵamdyq tártip pen azamattardyń tynyshtyǵyn buzatyn,  aınalasyndaǵylarǵa qurmetsizdik tanytatyn is-áreketter jasaǵany jáne kólik quraldarynyń qozǵalysy úshin kedergiler jasaǵany úshin (ÁQBtQ 434 -babynyń 1 - bólimi) azamat Qarjaýbaı Nurymov 15 táýlikke ákimshilik qamaýǵa alyndy, - dep habarlady oblystyq sottan. 

Sondaı-aq S.Nurymova usaq buzaqylyq jasaǵany úshin 20 AEK mólsherinde aıyppul salýmen ákimshilik jaýapkershilikke tartyldy. QR beıbit jınalystardy uıymdastyrý jáne ótkizý tártibi týraly zańnamasyn buzǵany azamattyǵy joq B.Reımova ákimshilik tártippen 15 táýlikke qamaýǵa alynyp, keıinnen Qazaqstan aýmaǵynan shyǵaryp jiberildi. 

Eske salaıyq, buǵan deıin Azat aýylynda jerleý rásimin ótkizý kezinde qoǵamdyq tártipti buzǵany úshin Sherzat Polattyń ákesi ustalǵanyn jazǵanbyz. 

Odan buryn Talǵar mańynda Sherzat Polattyń aǵasy óli tabyldy.