Sherzat Polatqa qatysty negizgi sot otyrysynyń ótetin kúni belgilendi
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynyń sýdıasy Erjan Januzaqov negizgi sot otyrysy 17 sáýir kúni saǵat 10:00–de bastalatynyn málimdedi.
Sot otyrysy beısenbi jáne juma kúnderi Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda ótedi.
Іs boıynsha aıyptalýshylar ornynda 9 adam otyr. Olardyń bireýi kámelettik jasqa tolmaǵan.
Aıta keteıik, búgin Taldyqorǵanda Sherzat isine baılanysty sot bastaldy.
Sondaı-aq Prokýror sotalýshylardyń árqaısysyna Qylmystyq kodekstiń qaı baptary boıynsha aıyp taǵylǵanyn oqydy.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵanbyz.
Keıin ashýly talǵarlyqtar jasóspirim ólimine baılanysty narazylyqqa shyqty.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.
2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.
Bas prokýrordyń orynbasary Ǵalymjan Qoıgeldıev Sherzat Polattyń úıiniń órtenýine qatysty tergeýdiń jańa málimetterin aıtty.