Sherzat Polat soty: sottalýshylarǵa birneshe bap boıynsha aıyp taǵyldy
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda 16 jastaǵy Sherzat Polattyń ólimine baılanysty sot otyrysy ótip jatyr.
Іs boıynsha aıyptalýshylar ornynda 9 adam otyr. Prokýror sot otyrysynda olardyń árqaısysyna Qylmystyq kodekstiń qaı baptary boıynsha aıyp taǵylǵanyn oqydy.
Olar:
— Abzal Shynasyl Qylmystyq kodekstiń 293-baby 3-bóligi (buzaqylyq), 99-bap 2-bóligi 1,4,7, 9,14-tarmaqtary (adam óltirý), 24-bap 3-bóligi (qylmysqa daıyndalý jáne qylmysqa oqtalý);
— Ravıl Sákıev Qylmystyq kodekstiń 293-baby 3-bóligi (buzaqylyq), 24-bap 3-bóligi (qylmysqa daıyndalý jáne qylmysqa oqtalý), 99-bap 2-bóligi 7,9-tarmaqtary (adam óltirý);
— Shyńǵys Belǵojaev, Nurqııas Іlııasov, Darhan Áskentaı, Nurbol Toqtaýbaev, Dıdar Qalıahmet, Azamat Toqtaýbaev Qylmystyq kodekstiń 293-baby 3-bóligi (buzaqylyq).
— Kámeletke tolmaǵan Dıdar Ysqaq Qylmystyq kodekstiń 434-baby (qylmys týraly habarlamaý) boıynsha aıyp taǵylyp otyr.
Eske salaıyq, bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵanbyz.
Keıin ashýly talǵarlyqtar jasóspirim ólimine baılanysty narazylyqqa shyqty.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.
2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.
Bas prokýrordyń orynbasary Ǵalymjan Qoıgeldıev Sherzat Polattyń úıiniń órtenýine qatysty tergeýdiń jańa málimetterin aıtty.