Sherzat Polat isi: kassatsııalyq sot úkimdi ózgerissiz qaldyrdy
ASTANA. KAZINFORM – Sottalýshylar Azamat Toqtaýbaev pen Dıdar Qalıahmet kassatsııalyq sotqa júgingen bolatyn.
Qalıahmettiń advokaty qylmys quramynyń bolmaýyna baılanysty ony aqtaýdy, al Toqtaýbaevtyń advokaty jazany jeńildetýdi surady.
Jábirlenýshi Sherzat Polattyń advokaty men týystary úkimdi ózgerissiz qaldyrý jónindegi ustanymyn jetkizdi. Nátıjesinde, kassatsııalyq sot sottalýshylardyń shaǵymyn qanaǵattandyrǵan joq.
– Azamat Maratbekuly Toqtaýbaev jáne Dıdar Erkinuly Qalıahmetke qatysty Almaty oblysynyń qylmystyq ister jónindegi mamandandyrylǵan jáne aýdanaralyq sotynyń 2025 jylǵy 5 maýsymdaǵy úkimi jáne Almaty oblysy sotynyń qylmystyq ister jónindegi sot alqasynyń 2025 jylǵy 19 tamyzdaǵy qaýlysy ózgerissiz qaldyrylsyn, – dedi sýdıa Artýr Narımov.
Eske salaıyq, 2025 jylǵy 5 maýsym kúni sot úkimimen 16 jastaǵy Sherzat Polattyń ólimine qatysty 9 adam 1,5 jyldan 23 jylǵa deıin sottaldy.
2025 jylǵy shilde aıynda sottalǵandardyń biri — Dýman Ysqaq jazasyn ótep, bostandyqqa shyqty.
Al sol jyly tamyz aıynda qalǵan aıyptalýshylar apellıatsııalyq shaǵym bergenimen, sot úkimdi ózgerissiz qaldyrdy.
