Sherzat Polat isi boıynsha aıyptalýshylar alqa bıler sotynan bas tartty

TALDYQORǴAN. KAZINFORM — 16 jastaǵy Sherzat Polatty aıýandyqpen óltirdi dep aıyptalǵandar alqabıler sotynan bas tartty.

Aldyn ala sot otyrysynda sottalýshylar alqabıler sotyna qatysý quqyǵynan bas tartty. Zań talabyna sáıkes isti bir sýdıa qaraıtyn bolady.

Negizgi sot otyrysy 17 sáýirge belgilendi.

Ol beısenbi jáne juma kúnderi Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda ótedi. 

Sondaı-aq búgin Prokýror sotalýshylardyń árqaısysyna QR Qylmystyq kodeksiniń qaı baptary boıynsha aıyp taǵylǵanyn oqydy. 

Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵanbyz. 
Keıin ashýly talǵarlyqtar jasóspirim ólimine baılanysty narazylyqqa shyqty. 

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady. 

15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.