Sherzat Polattyń ákesi ustaldy

ASTANA. KAZINFORM - Búgin saǵat 15:30-da Azat aýylynda jerleý rásimin ótkizý kezinde jergilikti turǵyn qoǵamdyq tártipti buzdy, dep habarlaıdy Almaty oblystyq Polıtsııa departamentiniń baspasóz qyzmeti.

Azamat N., prokýrordyń zańdylyqty saqtaý týraly túsindirmelerin elemesten, ózin óte dóreki ustaı bastady, aınalasyndaǵylarǵa qaýip tóndirip, sýıtsıd jasaımyn dep qorqytty. Sondaı-aq, polıtsııa qyzmetkerine pyshaqpen shabýyl jasady. Onyń minez-qulqy ózine de, aınalasyndaǵylarǵa da qaýip tóndirdi.

Azamat N. jaǵdaıyna alańdaǵan týystary men advokattarynyń ótinishi boıynsha onyń ómiri men aınalasyndaǵylardyń ómirine zııan keltirmeý úshin polıtsııa qyzmetkerleri ony ustaýǵa baǵyttalǵan sharalar qabyldady.

Azamat N. ustalyp, polıtsııa bólimine jetkizildi, onymen psıhologter jumys istep jatyr.

Polıtsııa jaǵdaıdy turaqtandyrý boıynsha jumysty jalǵastyryp jatyr jáne azamattardy sabyrly bolýǵa shaqyrady.

- Azamattardan tek resmı derekkózderge senýdi suraımyz jáne jalǵan málimetterdi taratý qylmystyq jaýapkershilikke deıin ákelýi múmkin ekenin eske salamyz, - delingen Almaty oblystyq Polıtsııa departamentiniń habarlamasynda.

Osyǵan deıin Talǵar mańynda Sherzat Polattyń aǵasynyń denesi tabylǵany týraly jazdyq.