Sherzat ákesiniń úıi órtenýine baılanysty tergeý toqtady
QONAEV. KAZINFORM — Bul týraly Almaty oblysynyń prokýratýrasy habarlady.
— Qarjaýbaı Nurymovtyń úıinde bolǵan órt faktisi boıynsha qazirgi ýaqytta sotqa deıingi tergep-tekserý merzimderi QPK-niń 45-baby 7-bóliginiń 5-tarmaǵyna sáıkes (quqyqtyq kómek kórsetýge baılanysty is júrgizý áreketterin oryndaýǵa baılanysty) toqtatyldy, — delingen prokýratýra jaýabynda.
Eske salaıyq, byltyr 4 qazan kúni tóbelesten 16 jastaǵy Sherzat Polat kóz jumdy.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat Polattyń aǵasynyń denesi tabyldy.
Bıyl maýsym aıynda Іshki ister mınıstri marqum Sherzat Polattyń úıin órteý faktisi boıynsha tergeý amaldary jalǵasyp jatqanyn aıtqan edi.
Osy jyldyń 17 maýsymynda Nurqanat Ǵaıypbaevtyń ólimine qatysty tergeý toqtatyldy.